Transcription
1
Reçue à Grenoble, le 02 Mars 1573. Répondue.
2
Monsieur, pour houbeyr au comandement des votres du XXVe,
3
je despechey soudeynement les advoyr resseues aux cappitaines
4
d’Alaret et Sainct Auban pour venir au Montelheymar hoù
5
est venu le sieur d’Alaret, lequel jay amené en ce lieu de
6
Lauriol aveques sa compagnie, hoù je nespère marrester
7
que se soyr pour estre asés mal propre pour les ocasions
8
que povés pensser, estant desliberé plus tost me mettre
9
aux granges près le bord du Rosne, hou aultre que
10
je troverey plus propre et fère aprocher la compagnie du
11
segnieur Santurion. Quant au cappitaine Sainct Auban, je croys
12
quil ne luy sera permis sen revenir puys quil est hors
13
de votre gouvernement. Je ferey aveques ce que jarey tout [ce] que
14
porrey, vous asseurent que la prinse du Pousin a fort escandalisé
15
tout ce Valantinoys. Je vous scripvis du XXIIIIe les advis
16
que jadvoys heues quen ce pays vouloyent remuer. Mays
17jay despuys antandu que pour encores [barré : qu ] ilz ne bougeront
18
point. Je vous tiendrey adverty de tous ce qui se presantera.
19
Je nay seu voyr au Pousin que le bateau du port et
20
des petites beches. Il y advoyt des grans bateaus quy
21
vouloyent remonter que je nay volu permetre ny permetrey
22
pource quilz veulent suyvre leurs anssienes costumes
23de les leysser passer pour de largent [barré : q ] ace quils disent ;
24
et quoi quil soyt, il nen passera point. Monsieur vous me
25
ferés, sil vous playt, antandre sy dyssandés bien tost sabas.
26
Saumières nest encores prins. Le sieur de Savignac est arrivé
27
vers monsieur le mareschal aveques vingt et deux anseignes
28
et est venu bien appropos. Lon na faitz mors les sieur de
29
Caussens et du Gua. Je le tiens du[n]g jentilhome qui venoyt de la court.
30
[179 v°] Et ne sachant aultre chose digne de vous estre scripte, je
31
finerey ceste en suppliant Notre Seigneur vous doner,
32
monsieur en parfaicte prosperité très heureuse et très bonne
33
vie et longue. De Lauriol, ce dernier de febvrier 1573.
34
Monsieur tout ce porte bien à Sainct Gervays. Madame
35
la contesse de Grignan les fut yer visiter.
36
Votre très humble serviteur
37
Rousset